तु सांग ना

[शिवाजी सांगळे]

तु सांग ना

पुस्तकातील प्रत्येक पानावर,आहेत काही खास खुणा
काळ लोटला जरी किती तरीही चाळतो मी पुन्हा पुन्हा

उसवत्या आठवण वीणी सोबत मन भूतकाळात जाते
नकळतपणे गुरफटते अन् गुंतण्याचा घडतो नवा गुन्हा

होता चूक काही अजानता, ठरवावे आरोपी कसे मला
नव्हती ईच्छा मुळात दुखवायची मला सांग खरे,हो ना

होऊ दे जे काही व्हायचे,आता पर्वा कशाला करायची
कोण कशासाठी बोलतो, वाटते त्यांचे, त्यांना कळेना

चाललो कुठे या सांप्रत काळी, कळेना बहुदा कुणाला
उमगलेच जर काही तुला, परमेश्वरा तु सर्वांना सांग ना

©शिवाजी सांगळे 🦋 papillon
संपर्क: +९१ ९५४५९७६५८९