बफार्या तुझ्या गुणांच्या (कवी - कल्पेश देवरे)

[Kalpesh Deore]

बफार्या तुझ्या गुणांच्या


पहिल्यांदा तुला भेटल्यावर
जाणवलंच नाही मला काही
कुणास ठाऊक मी नेहमी
तुझ्या बफार्या का ऐकत राही


स्वतःला ग्रेट म्हणून आम्हाला
तू फसवण्याच्या प्रयत्नात राही
पण सर्वांनाच माहित होते
तुला काहीच येत नाही


तुझ्या सानिध्यात आल्यावर
मला कळल्या तऱ्हा तुझ्या फेकण्याच्या
का सहन मी करत असे
बफार्या तुझ्या गुणांच्या


दररोजच्या आपल्या  भेटीत
तुझं काहीतरी उदाहरण देणं
त्यात तुझं नेहमी सारखं
स्वतःचीच लाल करणं


तुझं ते गोड बोलणं
मग स्वतःची तारीफ करणं
खूप मुलांनी प्रपोज केलंय
हे पुन्हा पुन्हा मला सांगणं


इच्छा माझी नसतांना
तू गोष्टी सांगे मुलांच्या
का सहन मी करत असे
बफार्या तुझ्या गुणांच्या


कवी - कल्पेश देवरे    (बफार्या - खोटे बोलणे, स्वतःची लाल करणे - स्वतःची तारीफ करणे )