डावा अंगठा

[शिवाजी सांगळे]

डावा अंगठा

कितीही शिकले सवरले असा
पाळावी लागते चौकट नियमांची
असो, खरेदी विक्री हक्कसोड
एक वेळ येतेच अंगठा लावायची

जमीनजुमला, इस्टेट म्हणून
दुभंगली गेली प्रसंगी वैरी झाली
कित्येक परिवार आणि कुटुंबे
एकमेकांपासून कायमची दूरावली

रित्या हातीच येणे जाणे इथले
कळूनही सत्य हे खरे वळत नाही
काही नसते शेवटी सोबत,तरी
सत्ता न् संपत्तीची हाव सुटत नाही

©शिवाजी सांगळे 🦋 papillon
संपर्क: +९१ ९५४५९७६५८९