ग्रेस

[Mangesh Kocharekar]

                 
                         मी फारच थोडा वाचला ग्रेस
                        माझ्या वाचनालाच होती तेव्हा वेस
                        अर्थ लावण्याच माझं वायाच नव्हत
                         गुणगुणता येणाऱ्या ओळींना मन साद देत होतं
                         त्यांच्या काव्यपंक्ती ह्या स्वतःसाठीच होत्या
                          मन अन लेखणी म्हणते म्हणून प्रसवत होत्या
               आकलन होईना म्हणून ते ठरले दुर्बोध
               वाचकांची झेपच कमी हाच खरा दोष
               ते ना रागावले ना कधी केला आक्रोश
               माझे लिखाण विद्रोही असाही न केला कंठशोष
               त्यांच्या विचारांची पोचच होती भन्नाट
              आम्ही धुंडाळत बसलो नित्याचीच वाट
                           त्यांच्या लिखाणाला होतं एक राजेशाही थाट
                            त्यांना वेडावलाच नाही विषयांचा अवघड घाट
                            त्यांनी स्वतःच निर्माण केले समृद्धीचे नवे पाट
                            त्यांच्या लिखाणाने आणली नव्या शैलीची पहाट
                            तरीही त्यांच्या वनवासाची संपली नाही मिट्ट रात
                              अन प्रिय व्यक्तीनीही सोडला मधेच हात
                विषयांच्या डोहात डुंबण्याच त्यांना होत वेड
                कुणी नाकारलं तरीही ना बाळगली कधी तेढ
                लिखाणाच्या  रानात ते होते ढाण्या वाघ
               रुचेल तेच लिहाना हाच त्यांचा मार्ग
              कुणासाठी थांबणं त्यांना नाहीच जमल कधी
              कारण ग्रेस, ग्रेस होता एक पक्षी स्वछंदी.......           
                                                                                      -       मंगेश कोचरेकर

[प्रशांत नागरगोजे]

 लिखाणाच्या  रानात ते होते ढाण्या वाघ
रुचेल तेच लिहाना हाच त्यांचा मार्ग
              कुणासाठी थांबणं त्यांना नाहीच जमल कधी
              कारण ग्रेस, ग्रेस होता एक पक्षी स्वछंदी....

khup khu chan.......

[केदार मेहेंदळे]

khup cha shrdhanjali.....