अजून कुठेतरी

[genius_pankaj]

अजून कुठेतरी जळते मिणमिणती वात
अजून कुठेतरी उंबरठ्यावर रेंगाळते रात
अजून कुठेतरी नयनांचे चातक
त्या चेहऱ्याच्या शोधात

अजून कुठेतरी जाणवतो तो नाजूक स्पर्श
अजून कुठेतरी दरवळतो तो निरागस हर्ष
अजून कुठेतरी त्या प्रतिमेचा उत्कर्ष
कुणाच्यातरी दर्पणात

अजून कुठेतरी किणकिणतात ते घुंगरू
अजून कुठेतरी शब्दवेडे ते अधरू
अजून कुठेतरी होतसे साकारू
ते चित्र कुणा कुंचल्यात

अजून कुठेतरी तरुतळी ती एक व्यक्ती
अजून कुठेतरी भोवताली फिरे ती आसक्ती
अजून कुठेतरी त्या आसक्तीची भक्ती
दडलेली एखाद्या हृदयात

अजून कुठेतरी माळरानी घुमतो तो नाद
अजून कुठेतरी एक आवाज घाली साद
अजून कुठेतरी मनाचा मनाशीच वाद
अडकून भल्याबुऱ्याच्या गहनांत

अजून कुठेतरी संपताना आयुष्याची तडजोड
अजून कुठेतरी लागलेली अनंताची ओढ
अजून कुठेतरी समाधी स्वप्न गोड
फुलताना कुण्या अंतरंगात ....................

genius_pankaj

[shashaank]

vaa khoopach sundar - aavadaleech agadee.....

[prasad26]

mast  --khup chan
kavita khup awadali

[केदार मेहेंदळे]

khup chan kavita

[aspradhan]

   Very touching. Kahi tari hurhur manala lavanari Kavita!! very nice!!

[jyoti salunkhe]

khup sunar

[asmita!!]

awesum ahe

[मिलिंद कुंभारे]

अजून कुठेतरी जळते मिणमिणती वात
अजून कुठेतरी उंबरठ्यावर रेंगाळते रात

छान आहे कविता!