प्रीतीचे गीत मी गाऊ कसा ?

[Dr.Vinay Kalikar]

प्रीतीचे गीत मी गाऊ कसा ?

प्रिये तुजवीण राहू कसा ?
प्रीतीचे गीत मी गाऊ कसा ?

येई संध्या तीच दिवाणी
नसे तुझी छटाही राणी
रेतीत पाऊलखुणा तुझ्या कश्या ?
प्रीतीचे गीत मी ..........................

नसती सूर्य, चंद्र, तारे
उदास गाणे गाती वारे
मनातल्या लाटांना थोपवू कसा ?
प्रीतीचे गीत मी .........................

वाहू लागले ,ग , पहाट वारे
गंध न तुझे ,न,तुझे इशारे
स्वप्नात सखे ,असा जगू कसा ?
प्रीतीचे गीत मी .......................

__विनय काळीकर ___

[balrambhosle]

sundar ahe..ani sur lawnyasarkhi ahe....