आनंद भरारी

[शिवाजी सांगळे]

आनंद भरारी

बोलता बोलता शब्दांची या मैफल जमते
"गा गा ल गा ल गा गा" लगावली स्फुरते

शब्दागणिक आवर्तन, मन, भावभावनांचे
सहज बहरत अनोखे शब्दशिल्प अवतरते

वेचता विविध आनंदकण इथे जीवनातले
म्हणता आनंदकंद वृत्तामधली गज़ल होते

अस्थायी तरीही आसक्ती क्षणिक सुखाची
जगण्यातल्या सुंदरतेची, एक ओढ लावते

शोधात प्रत्येकजण, सापडावा आनंदकण
मात करुन स्थितीवर फिनिक्स भरारी घेते

©शिवाजी सांगळे 🦋 papillon
संपर्क: +९१ ९५४५९७६५८९