अपरिहार्य

[शिवाजी सांगळे]

अपरिहार्य

शोधण्यात मुर्त अमूर्त आयुष्य सरले
भ्रमच फक्त ते, आपले होऊन नुरले

करता मी, माझं, मला जन्म सरला
वळून पाहता माघारी रितेपण उरले

आकार निराकारात भास हे जगाचे
जाणण्या अस्तित्व, जीवन रे सरले

व्हावे सावध, वेळीच वाटले कैकदा
ऐहिकाने आहे ना, जीवन हे भारले

कळले हो, कष्ट जीवाचे शिवा म्हणे
अपरिहार्य तरी भोगणे अजूनी उरले

©शिवाजी सांगळे 🦋 papillon
संपर्क: +९१ ९५४५९७६५८९