नको चेतना नको स्पंदन

[madhura]

नको चेतना नको स्पंदन
गोठून जावे हे संवेदन
निवडुंगाचे जगणे व्हावे
कातळापरि व्हावे जीवन

द्वेष असो वा प्रेमाचे सिंचन
वा पोकळ नात्यांचे बंधन
दगडाचे काठीण्य मिळावे
नकोच आता ते हळवेपण

सुखाचा उल्हास नको अन
नको दु:खाचे व्यर्थ रुदन
शेवाळातच मढवून घ्यावे
कशास हवे फुकाचे लेपन?

अद्वैताला स्वत्त्व अर्पण
सोडून अवघे माझे मीपण
घाव साहण्या सज्ज असावे
दगडालाही येई देवपण ..

-- Vanita Tendulkar-Bivalkar

[smita789]

Jabardast aahe hee kavitaa, khoopach mast.

[केदार मेहेंदळे]

chan kavita.

[jyoti salunkhe]

Khup Sunder