काज पांडुरंगाचे....

[shashaank]

काज पांडुरंगाचे....

(पुरंदरे शशांक)


कटेवरी हात | विचाराल मात | पाहतसे वाट | भक्तांची मी ||

कुठे गेला ज्ञाना | नामाही दिसे ना | टाहो ऐकू ये ना | तुकयाचा ||

आता येथ सारी | गर्दीचीच वारी | नावा वारकरी | उरलासे ||

भक्तीचा जिव्हाळा | नामाचा उमाळा | सकळ लोपला | इये काळी ||

काय उरलेसे | काज ते कोणते | मजलागि निके | कळेचिना ||

परि कोपर्‍यात | दिसे कोणी गात | पूर्ण तो भावात | बुडालेला ||

असोनी आंधळा | भक्तिचा तो मळा | दिसे की फुलला | परिपूर्ण ||

होवोनी तल्लीन | गातसे भजन | पूर्ण एकतान | वांछाहीन ||

तोचि की एकला | दिठीवान भला | येर तो आंधळा | जन वाटे ||

-(पुरंदरे शशांक)

[स्वप्नील वायचळ]

Mast lihila ahes mitra!
asach amahala vachu de!

[केदार मेहेंदळे]

khupach chan lihili aahe..... dev bhavacha bhukela.

[shashaank]

thanks a lot.........