गझल

[dhanaji]

पुढ्यातला मी पिऊन प्याला खुशाल आहे!
मलाच ठाऊक की, किती तो जहाल आहे!!

उजेड मागावयास जाणार मी न कोठे;
अजून तेजाळ काळजाची मशाल आहे!

भले कितीही पडो कडाका, फिकीर नाही.....
तुझ्या स्मृतींची लपेटली आज शाल आहे!

फुलावयाची असे फुलांनाच आज चोरी;
हरेक बागेमधील माळी दलाल आहे!

खुशाल तू जाळ झोपड्या पण, नकोस विसरू......
इथेच कोठे तरी तुझाही महाल आहे!

इथेच मी प्राण सोडला झोपडीत माझ्या;
जिथे उभा आज राजवर्खी महाल आहे!

कधीच झाल्यात बंद वाटा जगावयाच्या;
तरी तुझी वाटचाल चालू? कमाल आहे!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१

[prasad26]

sundar

[प्रशांत नागरगोजे]

Khup chaan lihili ahe..

[केदार मेहेंदळे]

bahot khub.....

[विक्रांत]

छान !! रंग आला .

[atulmbhosale]

very nice .....
    lihit rahaave.

[Vaishali Sakat]

sundar.........

[sharad kusare]

chaan barech divasanantar chagli gazal vachayala milali

[Çhèx Thakare]

अस्सल नाशिककर शब्द

एका अप्रतिम गजल साठी

" एकच नंबर  "

[मिलिंद कुंभारे]

उजेड मागावयास जाणार मी न कोठे;
अजून तेजाळ काळजाची मशाल आहे!

मस्तच......