मी अभ्यास केला नाही ...

[प्रशांत नागरगोजे]

रचनाकार संदीप खरे यांची माफी मागून त्यांच्या "मी मोर्चा नेला नाही ..."या गीताचे विडंबन


मी अभ्यास केला नाही, मी घोकंपट्टीही केली नाही
मी पुस्तकाला साधा हात सुद्धा लावलेला नाही
मी अभ्यास केला नाही, मी घोकंपट्टीही केली नाही
भवताली अभ्यास चाले तो विस्फारून बघताना
कुणी तोंडातून बडबडताना, कुणी मनातून घोकताना
मी दगड होऊनी बसलो मैदानावर जेव्हा
कुणी खेळायला देखील मजसोबत आले नाही
मी अभ्यास केला नाही, मी घोकंपट्टीही केली नाही
नेमस्त विद्यार्थी मी आहे, पुस्तक ज्ञान जिथल्या तिथे
सुट्टीत हिरवा झालो, परीक्षेत झाडली पाने
मग निकालातून कुठलीही, पास होण्याची चाहूल नाही
कुणी Grace दिला नाही, कधी पासही झालो नाही
मी अभ्यास केला नाही, मी घोकंपट्टीही केली नाही
नवेकोरे विषयाचे पुस्तक, नवीकोरी विषयाची वही
टेबलावर अजून रुळते, अदृश्य अभ्यासाची सावली
मी मुख्याध्यापकांना भ्यालो, मी सरांनाही भ्यालो
मी मनात सुद्धा माझ्या कधी दंगा केला नाही
मी अभ्यास केला नाही, मी घोकंपट्टीही केली नाही
मज जन्म पुस्तकाचा मिळता, मी हिंदी झालो असतो
मी असतो जर का वही, रफवही झालो असतो
मज वाचता वाचता कोणी रडले व हसले नाही
मी इतिहास झालो नाही गणितही झालो नाही
मी अभ्यास केला नाही, मी घोकंपट्टीही केली नाही
मी पुस्तकाला साधा हात सुद्धा लावलेला नाही

                           -प्रशांत नागरगोजे


follow my blog at www.prashu-mypoems.blogspot.com

[PINKY BOBADE]

Kay he prashant

[प्रशांत नागरगोजे]

काय झालं पिंकी ?आवडलं  नाही ?

[PINKY BOBADE]

Nahi re prashant,
tuji kavita kup chan aahe.......

[प्रशांत नागरगोजे]

धन्यवाद.... .

तुमच्यासारखे रसिक भेटले तरच कविता लिहू वाटतात....