प्रथमेश

[kumudini]

    प्रथमेश

रूप तुझे आगळे
गणेशा  सर्वाहूनी वेगळे

गजेंद्र आनन तुझसी शोभे
मूषक वाहन तेथ विराजे 
सान थोर हे तुझ्याच ठाई
एकवटे सगळे

अससी  व्दिज तू रूढार्थाने
परभ्रम्ह परी सर्वार्थाने
आदी अंत तुझ नाही वर्णिती
वेद असे सगळे

बुद्धीदाता तू परमेश्वर
शब्द सृष्टीचा तू सर्वेश्वर
तुझ्याच पाई वंदून गाती
ओंकारा सगळे

प्रथ्मेशां   तू  ज्ञातच सर्वा
कार्यारंभी नित्य पुजावा
कार्यसिद्धी ती होण्यासाठी
नामिताती सगळे

सुखकारक तू दुख निवारक
वरदायक तू पाप विमोचक
संकटकाळी तुझ्याच पाई
शरण असे सगळे

रक्त पुष्प दुर्वांकुर वाहून
यथा शक्ती ते करुनी पूजन
तेवून माथा तव चरणावर
आनंदिती सगळे
                                 कुमुदिनी काळीकर

[snehal bhosale]

MAST..