मातृदिन...??

[shashaank]

मातृदिन...??

आई प्लीज थांब ना गं आज तू घरी
रविवारचे कामावर जाते का कुणी

नको रे राजा, जाऊ दे मला
एक मोठ्ठे साहेब येणारेत ऑफिसला

रोज रोज उठून तू जातेस ऑफिसला
एक दिवस माझ्यासाठी काढ की जरा

छान गाणी म्हणू नि रंगवू चित्रही
संध्याकाळी बागेमधे येऊ फिरुनही

पुढच्या आठवड्यात बघ सुट्टी आहे मला
तेव्हा तू म्हणशील ते करीन मी बाळा

आज प्लीज सोनू जाऊ दे रे मला
आधीच उशीर झालाय रागावतील मला

बाळाला सोडवून जाववेना तिला
काम तर खुणावतंय इकडे याचा लळा

लोकलमधे बसल्यावर भरुन आले डोळे
"मातृदिन" आज हे पेपर वाचून कळे.......


-shashaank purandare.

[केदार मेहेंदळे]

khupach chan kavita

[jyoti salunkhe]

Khup Sunder

[shashaank]

manaapaasoon aabhaar.......