गाठोडं

[प्रशांत नागरगोजे]

आयुष्याचा प्रवास वेगळाच
रेखाटलेली वेडीवाकडी वळणं
वळणांवर सजून बसलेले कडू-गोड क्षण
मी घेऊन चालतोय उराशी

आठवणींच्या गाठोड्यात कोंबलेला भूतकाळ
चोपून चोपून बसणारा वर्तमान
दुरूनच गाठोड्याची वाट पाहणारं भविष्य
मी घेऊन चालतोय उराशी

वाटेत कधी घेतलाच विसावा
उघडील गाठोडं जीवनप्रवासाचं
हसवेल-रडवेल, क्षण जे
मी घेऊन चालतोय उराशी

जीवन मरणाच्या सोपवताना हाती
ठेवेल गाठोडं खांद्यावरून खाली
चोपून बसेन होऊन आठवण
मीही कोणाच्यातरी गाठोड्यात 
                                -आशापुत्र

for Quotes-5 visit @ www.prashu-mypoems.blogspot.com

[saaarikaaa]

mastaay.

[केदार मेहेंदळे]

khupach chan kavita.... specialy last kadv....

[प्रशांत नागरगोजे]

धन्यवाद सारिका आणि केदारजी ...