पर्जन्यराजाला आवताण....("निसर्गकविता")

[shashaank]

पर्जन्यराजाला आवताण....

काळे कुट्ट नभ माथी
गाती तुझेच पोवाडे
वीजबाई ओवाळिते
कानशिली बोटे मोडे

तुझ्यासाठी उतू गेला
गंध मातीचा आगळा
ढेकूळही सजे वेडे
घेते रंग तो हिरवा

तुझा संग होता राजा
फूल फुलते देखणे
थेंब तुझे मोती होती
कणसात दिमाखाने

तूच राजा परजेना
नको करु रे उशीर
झाली प्रजा उतावीळ
हाक मारते शिवार.....

-shashaank purandare.

   

[केदार मेहेंदळे]

yere yere pawsa...... chan kavita.

[shashaank]

thanks......