थेंब वेडे पावसाचे....("निसर्गकविता")

[shashaank]

थेंब वेडे पावसाचे....

जलदाच्या पालखीत
दिमाखात मिरवले
थेंब वेडे पावसाचे
मातीमधे मिसळले ?

असे कसे हे घडले
पायउतार का झाले ?
ओढ मायधरतीची
अंकावर आरुढले

मातीमधे मिसळता
मातीमोल नाही झाले
नाना रुपांनी सजूनी
अनमोल किती झाले

थेंब मातीशी मिळता
कसे नवल वर्तले
साज हिरवा लेउन
तरारुन वर आले

पावसाचे थेंब काही
कसे मातीत रुजले
जाईतून उमलून
शुभ्र, गंधमय झाले

थेंब मोती थेंब दाणे
चैतन्याने मूर्त होणे
मनातही उतरती
शब्द थेंबांचेच देणे.....


-shashaank purandare.

[प्रसाद पासे]

Prachand awadli ahe

[केदार मेहेंदळे]

khup chan kavita shashankji.....

[shashaank]

Dear Prasaad and Kedaar - thanks a lot............

[विक्रांत]

थेंब मोती थेंब दाणे
चैतन्याने मूर्त होणे
मनातही उतरती
शब्द थेंबांचेच देणे.

very true. that is the poem.

[shashaank]

thanks a lot - to all of you once again...

[shashaank]

माझी अजून एक अष्टाक्षरी

[Shona1109]

sampurn kavita khup sundar aahe pn tyatlya khalil kadvi khupch god aahet

पावसाचे थेंब काही
कसे मातीत रुजले
जाईतून उमलून
शुभ्र, गंधमय झाले

थेंब मोती थेंब दाणे
चैतन्याने मूर्त होणे
मनातही उतरती
शब्द थेंबांचेच देणे.

[मिलिंद कुंभारे]

छान अष्टाक्षरी ...

[sweetsunita66]

छान कविता