वराती मागून घोडे

[शिवाजी सांगळे]

वराती मागून घोडे

हक्काचे दार सहज उघडते कुठे थोडे
झिजवावेच लागतात त्या साठी जोडे

ध्येयासाठी अन्यायाला वाचा फोडून 
हाल अपेष्टा भोगत, धरणे धरती वेडे

शिक्षणा करता ऐकून रास्त मागण्या
का नाही उलगडले शिक्षितांना कोडे?

शुल्लक म्हणता अखेर घाम फोडला
व्यवस्थेने का घेतले उगाचचेआढेवेढे

लाज जाईल म्हणून, अंततः बिथरले
अन् दौडले त्वरीत वराती मागून घोडे

©शिवाजी सांगळे 🦋 papillon
संपर्क: +९१ ९५४५९७६५८९