प्रेम

[salunke.monika]

हळूच अशीच अचानक ती
वाऱ्याची झुळूक येऊन गेली
प्रेमाची हि नाजूक स्वप्ने
मनात अलगद ठेऊन गेली

शब्दांचे माझे कधीच नव्हते नाते
एकांतही सदैव मला परकाच भासे
काय जणू अशी जादू ती झाली
शब्द अन एकांतातही फक्त तूच मला दिसे

होते मी आशीच अवखळ खट्याळ एक
नव्हते न कधीच काही भान जगाचे ते
हळूच एके दिस अचानक आलास तू
क्षणात माझे विश्व तुझ्यात सामावले जणू

शब्दांच्या विळख्यात मला अडकवत तू गेलास
न पाहता हि जीवापाड प्रेम करत राहिला
हळूहळू का होईना  प्रेमाची नाजूक फुले
माझ्या मनात हि तू पसरवूनी  गेला

एका क्षणात तुझ्या भावनांना वाट तू दिली
प्रेमाला तुझ्या माझी साथ मिळावी हीच आस धरली
तुझ्या हाती हात देण्याची हिम्मत ना झाली
पण मनात नेहमी मी फक्त तुझीच रे होत गेली 

[केदार मेहेंदळे]

chan kavita

[viddyasagar]

tumchya kavita direct hrudayala sparsh kartat!!