अरे थेंबा तुझी आस.....("निसर्गकविता")

[shashaank]

अरे थेंबा तुझी आस....

सा-या मनांच्या राऊळी
अरे थेंबा तुझी आस
यावे देवा, होऊ तुझ्या
भोई पालखीचे खास

रुप किती ते आठवे
पार नयनी दाटले
किती पाहणार अंत
तळी झरे रे आटले

कशी भेगाळली धरा
उकलले प्राण प्राण
मुखी कोण घाली आता
जल नव्हे संजीवन

मेघराशीतून यावे
धारा सहस्त्र होऊन
तृप्त करुनी टाकावे
घ्यावे रुप तू सगुण

आर्त हाका घालताती
धरा माणसे तुलाच
ये रे देवा परजन्या
न्हाऊ घालावे तू तूच

अरे बरस बरस
घेई जीवनाचे रुप
ऐक गा-हाणे सा-यांचे
सृष्टी होईल तद्रूप.....


-shashaank purandare.

[विक्रांत]

मेघराशीतून यावे
धारा सहस्त्र होऊन
तृप्त करुनी टाकावे
घ्यावे रुप तू सगुण

very good .

[केदार मेहेंदळे]

tumchi kavita pawsala avadli mhnunach pawsala chan surwat zali aahe. hya velcha pawsala khup chan asnar aahe...

kavita chan aahe.

[shashaank]

thanks a lot......