मर्त्य शून्यत्व

[शिवाजी सांगळे]

मर्त्य शून्यत्व

येणे इथवर, जाणे कुठवर, काय तत्त्व
करुनी अट्टाहास शेवटास, उरे शून्यत्व

जगता हव्यासापोटी, रे अनुकरणाच्या
हरवून जाते जोपासलेले मुळचे स्वत्व

भ्रामकतेच्या या पोकळ ओझ्याखाली
जपले जाते का कुठे, आजकाल सत्व

ढासळत्या गर्दीत या नैतिक मुल्यांच्या
मिरवायचे कुठवर, आपलेच स्वकर्तृत्व

जाणता,सत्य जात नाही काही इथूनी
अंती, शून्यात हो विलीन मर्त्य शून्यत्व

©शिवाजी सांगळे 🦋 papillon
संपर्क: +९१ ९५४५९७६५८९