लग्न

[mrunalwalimbe]

लग्न

लग्न म्हणजे एक समारंभ
लग्न एक रेशीमगाठ
लग्न एक बंधन
लग्न असते फणसासारखे
बाहेरून काटेरी
आतून गोड
दिसायला काटेरी बंधन
चाखायला गोड गरा
जसं फणसात शिरल्याशिवाय
गरा मिळत नाही
तसं दोन मन मिळाल्याशिवाय
संसार सुख मिळत नाही
संसार टिकविण्यासाठी
हवा नात्यात गोडवा
हवा विश्वास जोडीदाराचा
संसार असावा असा
जणू काही बयाबाईचा खोपा
म्हणूनच म्हणते संसारात पडावं
म्हणजेच कळते त्यातील गंमत

                मृणाल वाळिंबे