नसानसात तुझ प्रेम वाहतंय

[SANJAY M NIKUMBH]

प्रेम हा शब्द
ठाऊक होता
पण त्याची बाराखडी
तू मला शिकवली
आपल्या सहवासात 
नकळत आलेले काही धुंद क्षण
हेच प्रेम आहे हि बाब
तू माझ्या मनावर बिंबवली
मी तर पाखरू होऊन
तुझ्या अवतीभवती घुटमळत होता
पण तुझा प्रत्येक श्वास
मला तुझ्यात गुंतवत होता
तू अबोल राहूनच
सारे खेळ खेळत होती
फासे टाकून भावनांचे
मला जाळ्यात ओढत होती
जेव्हा करत होतो प्रयत्न
मी दूर जाण्याचा
तेव्हा साद घालून
तुझ्याकडे खेचत होती
तुझे डोळे न सुंदर कुरळे केस
होतेच तुझ्या सोबतीला
पण तुझं निरागस मन
भुरळ पाडून गेलं माझ्या मनाला
आता नसानसात
तुझ प्रेम वाहतंय
त्या प्रेमसागरात डुंबून
मन बेधुंद होऊन जगतंय.