मी गेल्यावर

[शिवाजी सांगळे]

मी गेल्यावर

श्वास मोकळा स्वकीय घेतील मी गेल्यावर
सरकारात नोंद एखादी होईल मी गेल्यावर

'बरा होता हो' हळूहळू कानात परस्परांच्या
प्रतिस्पर्धी काही, कुजबुजतील मी गेल्यावर

श्रोता हक्काचा गेला चुटपुटतील काही वेडे
खंत एवढीच मात्र मागे राहील मी गेल्यावर

भ्रम कोणता पाळू, काय होईल माझ्या मागे
रहाटगाडे नक्की असेच चालेल मी गेल्यावर

नको तामझाम मुळी, न् अवडंबर हो कसले
होऊ देत, शांततेत सारेच खेळ मी गेल्यावर

वेगळे काय घडणार?रिक्त होता माझी जागा
नियम सृष्टीचा,नवा कुणी येईल मी गेल्यावर

©शिवाजी सांगळे 🦋 papillon
संपर्क: +९१ ९५४५९७६५८९