माझी कविता तू वाच

[विक्रांत]

माझी कविता तू वाच
तुझी मी वाचतो
तू मला छान म्हण 
मी तुला छान म्हणतो

ओरडून विकली
की रद्दी ही खपते
फालतू असून ती
बालभारतीत बसते

खरतर कवीची
वहीच काय ते
नशिबही अगदी
फाटके असते

इथे मार्केटिंग
ज्याला जमते
त्याचेच फक्त
भले होते

नाव मिळते
पुस्तक खपते
कधी कधी चक्क
पारितोषिक मिळते

सगळ्यांच्या कवितेत
वेगळे काय असते
पाऊस प्रेम पक्षी अन
कुरवाळलेले दु:ख दिसते

तुला मला सगळे
जरी ठावूक आहे ते 
तरीही तेच पुन्हा
लिहायचे असते   

एकमेकांना छान
म्हणत म्हणत
आपले कंपू
जोडत वाढवत

दुसरयाची कविता
आवडो न आवडो
वाहवेचा धुरळा
उडवायचा असतो


म्हणून म्हणतो
पुन्हा सांगतो
माझी कविता तू वाच
तुझी मी वाचतो

विक्रांत
http://kavitesathikavita.blogspot.in/

[केदार मेहेंदळे]

hmhmhmh...... mi udya uttar dein....

[विक्रांत]

nakki, pan tu ya saryanchya palikdla aahes .