माझे मला कळेना...

[Sadhanaa]

माझे मला कळेना... ही चित्र-कविता पाहण्यासाठी कृपया येथे क्लिक करा...
http://ravindrabendre.blogspot.com/2012/09/blog-post_14.html

माझे मला कळेना ...                                                                                       

माझे मला कळेना                     
कां रात्र ही ढळेना
हृदयांत दाटलेली
      हूर हूर हि सरेना ।।
सहवास प्रेमधारा
त्याच्यात मी नहालो
हरएक त्या क्षणाला
सुखांत डुंबलेलो
स्मृति त्या सुखद साऱ्या
        त्यांनाच सोडवेना ।।
अति धुंद त्या नशेचा
कधी नाहीं वीट आला
एकेक दिवस आणि
धूंदीत त्या बुडाला
त्या गहिऱ्या नशेचा
       मज अर्थ सापडेना ।।
नेत्रातला जिव्हाळा
स्पर्शात तो निमाला
मम हृदयात त्याने
अग्निच पेटविला
त्या मंद अग्नीचा
             मज विसर तो पडेना ।।

प्रेमांत ओथंबिलेला
क्षण एक आठवितो
हृदयांत जो जपला
स्वप्नांत तो पहातो
सुख लोपले कसे ते
        माझे मला कळेना ।।
नाजुक भावनांचे
वरदान ते मिळाले
जपण्यास भाव ते मी
कां न प्रयत्न केले
मग कां असशी तूं
        गेलीस ते कळेना ।।
नव्हते कां जीवन
आनंदात भिजलेले
दुःख जीवनी होते
आठवे ना बोललेले
मग झालीस कां अलिप्त
       ते कोडे मात्र सुटेना ।।
हृदयात दाटलेली
हूर हूर हि सरेना
कां रात्र ही ढळेना
       माझे मला कळेना ।।

      रविंद्र बेंद्रे