परि सखीस भेटण्याला...

[Sadhanaa]

.
ही चित्र-कविता स्वरुपात पहायची असल्यास कृपया येथे क्लिक करा ..Please Click on this.
http://ravindrabendre.blogspot.com/2012/09/blog-post_20.html


                     परि सखीस भेटण्याला...

घंटा-पळे अन दिवसांनी  काळ पुढे चालला आहे
पळत्या क्षणां बरोबरच आयु कमी होत आहे ।
जीवनाची विचित्र गति  स्मृतीं मध्ये विसावते आहे
आठवणींचा हार परंतु  पटापट गुंफला जात आहे ।
सखी सहवासाच्या स्मृतीने  प्रत्येक दिवस उगवतो आहे
रंगुनि त्या आभासांत हरएक दिन मावळतो आहे ।
जीवनांत सुख मिळताना  मोद फारसा नसे मनांत
कवटाळता आठवणींना मात्र हर्ष होतसे आभासांत ।
जीवनाचे सत्य विचित्र  कळत ना कळावे तेव्हां
आस मनाला लागते  अन क्षण निघुनि जाई तेव्हां ।
मुकलो आतां सखीस अन  तिच्या प्रेमळ सहवासाला
म्हणुन अंधाऱ्या जीवनांत  आठवणींना बहर आला ।
स्थिरावते मन स्मृति मध्ये  त्यांत अन रंगुनि बसतो
परि सखीस भेटण्याला काळ दिनादिनाने पुढे धांवतो  ।।

रविंद्र बेंद्रे