आठवण..आपण ऐकू शकता...

[Sadhanaa]

.
ही चित्र-कविता स्वरुपात पहायची असल्यास कृपया येथे क्लिक करा .
Please Click on this
http://ravindrabendre.blogspot.com/2012/09/blog-post_28.html

                   आठवण...

विसरणार न कधीं मी भेट पहिली दोघांची
एकाच त्या दृष्टीत  पेटली ज्योत प्रीतीची।
पाहुनी तुझे नेत्र हसरे मन माझे मोहवले
अन तुझ्या मिलनास्तव हृदय माझे ओढावले ।
पहिल्या वहिल्या त्या भेटी  ओठांवर न शब्द आले
निःशब्द नेत्रांनी परंतु  अंतरीचे भाव कथिले ।
घेतला पसारा वृक्षाचा  प्रीतीच्या नाजूक रोपट्याने
अन मिलन झाले अपुले देवादिकांच्या साक्षीने ।
मिसळूनी श्वासात श्वास धागे गुंफीत प्रेमाचे
संगे तुझ्या अनुभवितो  जीवन हे स्वर्ग सुखाचे ।
चिरंतर राहो प्रेम अपुले  हाच एक ध्यास मनी
आण प्रभूला हीच घालतो क्षणा क्षणाला प्रार्थुनी ।
निरंतर अपुल्या प्रेमासाठी आण घातली मी प्रभूला
अन निश्चीन्तीत मनाने संसार अपुला उभारला ।
परि माझ्या प्रीतीत त्याला एकतानता न दिसली
म्हणुनी माझ्या संसारावर कुऱ्हाड त्याने अशी मारिली ।
काय जाहला कसूर मलाच ते नाही उमगले   
त्या साठींच कां अवेळी  परमेश्वराने सखीस नेले ।
कष्टातही सुख मानुनी  प्रीत स्वप्ने रंगावली
परि एक दिन अचानक प्रीत माझी जळुनी गेली ।
राहिलो आतां एकटा मी  सखीच्या स्मृतित गुंगून
प्रभूच्या मनात असेल तेव्हां  तिला भेटण्या जाईन ।
आतां तिच्या आठवणींत  जीवन फक्त हे जगतोय
भुता सारखा एकला मी  जीवनांत हा वावरतोय ।।
                   
                  रविंद्र बेंन्द्रे

[MK ADMIN]

Krupaya adhi kavita post kara va tya khali tumchya links post kara.