चांदण्यांचे हात तुझे

[SANJAY M NIKUMBH]

चांदण्यांचे हात तुझे

चांदण्यांचे हात तुझे
ओंजळ तुझी फुलांची
साथ असे मज प्रिये
निरंतर तुझ्या प्रेमाची
भुरळ मला पडे
तुझ्या मोगऱ्याच्या वेणीची
गुंतून राही मन
जादू तुझ्या अंबाड्याची
खळी गं वेड लावी
तुझ्या गोऱ्या गालाची
नाजूक मुलायम काया
जणू तुझी रेशमाची
उरांत भरून वाहे
गंगा तुझ्या सुगंधाची
या अंधारलेल्या मनास
साथ तुझ्या ज्योतीची
हि आस कशी सदा
मनी तुझ्या ओढीची
नसानसात आग सखे
फक्त तुझ्या मिलनाची
चांदण्यांचे हात तुझे
ओंजळ तुझी फुलांची
साथ असे मज प्रिये
निरंतर तुझ्या सावलीची .
संजय एम निकुंभ , वसई
दि. २६.९.१२ वेळ : १०.१५ रा.

[केदार मेहेंदळे]

sundra....

[SANJAY M NIKUMBH]

thanks