पाऊस परतीचा...

[Sameer Nikam]

होऊनिय अचानक प्रकट 
जाता जाता पाऊस परतीचा
मांडुनीया थैमान सर्वत्र
सांगे  विश्वकर्मा मी या धरतीचा

कड कडात गर्जना करीत
दाखवे अदभूत दृश्य विजा सहित
जणू सांगती काही इशारयात
येईन पुढल्या खेपेस जोमात

येती घेवून उरात वादळ
जणू करती शक्तीचे प्रदर्शन
उगाच करुनी सगळयांची धावपळ
देती संदेश येईन मी परतून

जाता जाता पेश करती
सुखद अनुभव  गोड  गारव्याचा
जणू आठवण करुनी  देती
येणाऱ्या गुलाबी थंडीचा

आता भागवली त्याने तहान
उरले सुरले साऱ्यांची
गेला तो निरोप घेवून
पाहू वाट पुढल्या वर्षी त्याच्या येण्याची  

समीर स निकम