सखा विश्वाचा

[kumudini]

सखा विश्वाचा

कुमुदिनी

नाही आता चांदरात

सूर्य तेज झाकोळत

सजल जलद अंबरात

मुक्त पणे संचार करिते ||

नाजुक सर वर्शियाली

फुलली जाई हसे चमेली

तारू वर वेली सचैल न्हाली

गंध मातीचा वारा घुमवीत ||

अमृत धारा जेवी बरसती

पिवळी राने हिरवळती

धुंद होऊनी मोर नाचती

गर्द पाचूच्या वनात ||

आभाळाने दान द्यायचे

अवनी ने ते भरून घ्यायचे

पाना पानातुनी गायचे

मल्हाराचे गीत ||

सखा असा हा विश्वाचा

समृद्धीला घेऊन आला

रिक्त होऊनी त्रीप्त मनानी

जाई आनंदात ||