आम्ही फकीर फाटलेले

[SANJAY M NIKUMBH]

आम्ही फकीर फाटलेले

आम्ही फकीर फाटलेले
शब्दात रमणारे
शब्दच असती अमुचे
सगे सोयरे
शब्दांच्या झुल्यावर
आम्ही झुलणारे
स्वप्नातही शब्दांशी
आम्ही खेळणारे 
मनातल्या भावनांना
कागदावर उमटवणारे
हरवलेल्या संवेदनांना
आम्ही जागवणारे
भिती ना कुणाची
तमा न बाळगणारे
शब्दांच्या तलवारीने
आम्ही लढणारे
कधी शब्दास वाकवणारे
कधी शब्दासाठी झुरणारे
रात्र रात्र सारी
शब्दासाठी जागणारे
खडकाळ जमिनीतही
हिरवळ पाहणारे
अंधारलेल्या रात्रीसही
पौर्णिमेचा चंद्र देणारे
पाऊस नसतांनाही
चिंब भिजणारे
मध्यान्हीच्या उन्हातही
चांदण्यात हरवणारे
सूर्यही पाहत नाही
ते आम्ही पाहणारे
आम्ही कवी सारे
बेधुंद जगणारे .

                              संजय एम निकुंभ , वसई
                              दि. १२.७.१२ स. ८.१५
                                   { मिरारोड बस }

[rudra]

mitra kavita chaan lihili aahes.... miraroad bus.....

[केदार मेहेंदळे]

chan kavita

[विक्रांत]

pretek kavichi kavita