प्रार्थना वारीची

[jitendra_sarode]

पंढरीच्या  राया ,  मला  पंढरीला  बोलव   
काल्या मध्ये एक घास माझेसाठी कालव || धृ ||
          चोखोबाची एकतारी 
          तुणव  माझ्या  हाती ,
          सवत्याची फुलेसारी
           फुलाव माझ्या शेती,
जनाईच्या जात्यातून , शिदोरी मला पाठव..|| १ ||
          माउलींची ज्ञानेश्वरी
          घडो तिचे पारायण ,
          तुकोबाच्या अभंगाची
          कीर्तनातून शिकवण,
पुंडलिकाची विट माझ्या ठाई ठाई रचव.. || २ ||
         नित्य पडो श्रवणी
         नाथांचे भारुड, गवळण ,
         घाव पडो घडणी
         खाली नार्हरीची ऐरण ,
भाक्तीबिजे माझ्या मन-मातीत रूजव.. ||  ३  ||
         भजव नित्य जपमाळ
         हरिपाठ दोन्ही वेळ ,
         एकादशी, कीर्तन-काळ
         हाती वाजो तुझी टाळ,
तुझ्या भेटी साठी मला वारीमध्ये चालव ...|| ४ ||
         जीवनाची ज्योत माझी
         संत सेवेत मालव ,
         चरणी तुझ्या लीन कर
         वैकुंठ तेची ठरव ,
पंढरीच्या  राया  ,  मला  पंढरीला  बोलव .|| ५||

                                --- जितु सरोदे .

[केदार मेहेंदळे]

far chan abhang

[jitendra_sarode]

thanks kedar for ur apriciation.