।। माझी सखी माझी कविता ।।

[श्रीमति प्रतिभा गुजराथी]

।। माझी सखी माझी कविता ।।

ढगांच्या अवगुंठनातून
हळूच डोकावणाऱ्या
   चंद्रकोरी सारखी
   येतेस तू सखे

तुझ्या शीतल आगमनाने
पाझरायला लागतो
   माझ्या मनातला
   चंद्रकांत-मणि

आणि माझ्या रोमारोमातून
   अचानक स्त्रवू लागतात
   शब्दांच्या अमृत-कणि

माझ्या मानस पटलावर
हळूवार कुंचल्याने चितारलेल्या
   चित्रासारखी अवतरतेस तू
   होऊन अवखळ सुंदर मनकरणि ।

               - श्रीमति प्रतिभा गुजराथी

[केदार मेहेंदळे]

chan....

[shashaank]

सुरेखच