ठेवूनि निष्ठा मनांत...

[Sadhanaa]

ठेवूनि निष्ठा मनांत...

कुविचार असती शिरीं
              संशय तो वसे मनांत
येईल कां कधीं गोडी
             मानवाच्या जीवनांत ।
फरक पडतो विचाराने
            मनांत आणि शरीरांत
आत्मबळाच्या जोरावरती
             होते संकटावर मात ।
इच्छा-सदिच्छा ठेवा
            भक्ती भाव तसा मनांत
करा जीवन सुखी आपुले
            श्रध्दे वरती जगतात ।
वाईट न केले कुणाचे
            वैर भाव नसे मनांत
सरळ जीवन असतां
            असावी कां भीती मनांत ।
देव नाहीं झोपला
            फिरतो आहे विश्वांत
भले करणार्याला
            सुख देतो जीवनांत ।
पहातो परि परिक्षा
            ठेवूनि थोडे दुःखांत
परिक्षेत त्या पास व्हावें
            ठेवूनि निष्ठा मनांत  ।।
                                      रविंद्र बेंद्रे
ही चित्र-कविता स्वरुपात पहायची असल्यास कृपया येथे क्लिक करा .
Please Click on this
http://ravindrabendre.blogspot.com/2012/11/blog-post_10.html

[केदार मेहेंदळे]

छान  कविता