कविता कशी लिहावी!

[मिलिंद कुंभारे]

वृत्त: मंजुघोषा
गालगागा/गालगागा/गालगागा

तू तुझ्या, मी माझिया नादात आहे!
कोणते नाते तुझ्यामाझ्यात आहे?

प्रा. सतीश देवपूरकर

[sweetsunita66]

very nice

[मिलिंद कुंभारे]

sweetsunita,

thanks....

[shashaank]

एक अतिशय सुरेल आणि चित्रदर्शी कविता ...

माळा श्रावण-स्मरणांच्या
प्राजु | 14 August, 2013 - 18:32 (http://www.maayboli.com/node/44637)


श्रावण म्हणतो गावे गाणे, तारा छेडून किरणांच्या
साथीला मेघांचा ठेका आणि सुरावटी धारांच्या..

लवलव नाचे गवत पोपटी, गिरकी घेऊन झुलताना
ऊन बागडे हरणाच्यापरी, गवतावर झिरमिरताना
तान टपोरी झरली ओठी हिरव्या रेशिम पात्यांच्या
साथीला मेघांचा ठेका आणि सुरावटी धारांच्या..

घुमू लागला श्रावण सोडून रंगित शेला जरतारी
सतरंगी चापास कुणी अन कधी घातली हाकारी
कुण्या खुळीने रचल्या त्यावर ओळी हळव्या कवनांच्या
साथीला मेघांचा ठेका आणि सुरावटी धारांच्या..

बघता बघता निसर्ग अवघा श्रावणप्रेमाला भुलला
तर्‍हेतर्‍हेने रंगून, गंधून, चहू दिशांतून मोहोरला
उरात घेतो साठवून तो माळा श्रावण-स्मरणांच्या
साथीला मेघांचा ठेका आणि सुरावटी धारांच्या..

-प्राजु

[मिलिंद कुंभारे]

shashaank,

nice poem.....

[shashaank]

"वेडाबाई" ( http://www.maayboli.com/node/38871 )
-शाम | 31 October, 2012 - 21:20

उरी अमृताचा पान्हा गोड गळ्यात अंगाई
देवा साऱ्यांना मिळू दे माझ्या आईवानी आई....|

वितभर पोटासाठी जायी तुडवीत रान
मोळी घेऊन यायची दरी डोंगरामधून
गंध तापल्या रानाचा तिच्या घामातून वाही.....|

दंड घातल्या साडीचा घेई नेटका पदर
लावी रुपया एवढे कुंकू गोऱ्या भाळावर
कधी सोन्यानाण्यासाठी डोळा पाणावला नाही...|

धान उसनं-पासनं अर्ध्याराती दळायची
नावं घेत लेकरांची ओवी ओवी घुमायची
घास भरवी पिलांना एक चिऊ वेडाबाई...........|

नाही कधी जुमानलं तिने दुखणं-खुपणं
घरट्याच्या सुखासाठी दिलं उधळून जिनं
सोसलेल्या दुःखापोटी बोल कडू झाला नाही.....|
.
.
.

जन्मोजन्मी तुझ्यासाठी कुस तुझीच मागेन
कुणी पुसता "कुणाचा" नाव तुझेच सांगेन
तुझ्यापोटी जन्मा आलो कुण्या जन्माची पुण्याई....|

..........................................................................शाम

( मायबोली डॉट कॉम या साईटवरील माझा एक मित्र श्री. शाम याची एक अतिशय सुंदर रचना... )

[shashaank]

पावसाचे ! ( http://www.manogat.com/node/16759 )
प्रेषक फिनिक्स (बुध., २७/०५/२००९ - १४:४९)

दूर कोणी नाव घ्यावे पावसाचे
त्या क्षणाला गाव व्हावे पावसाचे

गंध मातीचा शिरे श्वासांमधूनी
दरवळूनी गात्र गावे पावसाचे

तेच दाटे माझिया डोळ्यात पाणी
गोत्र माझेही असावे पावसाचे

ओंजळीने थेंब झेलावे असे की
अंतराला दान जावे पावसाचे

पाखरांचे पंख घ्यावे दूर जावे
चेहऱ्याला रंग ल्यावे पावसाचे

स्पर्श त्याचा माळराने धुंद सारी
हात माझे कां नसावे पावसाचे

ही कुणाच्या चाहुलीने जाग येई
अंगणी पाऊल यावे पावसाचे

[shashaank]

झाले गाणे...! (http://www.manogat.com/node/9254 )
प्रेषक अदिती (गुरु., ११/०१/२००७ - १५:१८)

डोळ्यांमधल्या सुखस्वप्नांचे झाले गाणे
गालावरल्या स्मितरेखांचे झाले गाणे

मातीवरती थेंब जळाचे आले गेले
खोलामध्ये जिरलेल्यांचे झाले गाणे

साऱ्या पडल्या सत्त्वपरीक्षा केंव्हा मागे
आता उरल्या नि:श्वासांचे झाले गाणे

थोड्या कळल्या मनमोराच्या वेड्या भाषा
तेंव्हा सगळ्या मधुस्पर्शांचे झाले गाणे

चाकावरती फिरली माती काळी ओली
बोटांभवती आकारांचे झाले गाणे

चोचीने चोचीला देता चिमणाचारा
चिवचिवणाऱ्या आनंदांचे झाले गाणे

खुंट्या पिळल्या जुळल्या तारा, आवाजाच्या,
देहामधल्या हरप्राणांचे झाले गाणे

--अदिती
(८.७.२००६)

[Keshavpk]

Mitrano, shashank aani milind , mi kahi kavita lihalya aahet pn tya madhe as kahi nahi k 8 akshari or 6 akshari, fkt rachana tya kavitanchi chhan aahe tumhi sangal tar mi te nkkich upload karto pn maz kahi chukat aslyas mala nkkich sanga, karan mala perfect kavita karta yet ny.

[मिलिंद कुंभारे]

Dear Keshav,

You can post your poems here, somebody may like it. Cheers!!!