कविता सुचतात तरी कश्या

[MAROTI SHAHAJI GUVHADE]

तिच्या नजरेतील भावना जनू माझ्या कवीतेच्या औळीच
न लिहिता न वाचता प्रिति
फुलाचा सुंगध माझ्या कवितेचा आत्मा आज उदास का राणी

[Sachin01More]

Kavita astat fakt hrudayacha Bhavana.       jya shabdachya rupane kavitemadhe akarala yetat.

[MAROTI]

तिच्या नजरेतील भावना जनू माझ्या कवीतेच्या औळीच
न लिहिता न वाचता प्रिति
फुलाचा सुंगध माझ्या कवितेचा, आत्मा आज उदास का राणी
गुलाबाचा गंध औठावर येऊ दे,

[MAROTI]

माझ्यासाठी कविता म्हणजे
.
.
माझ्यासाठी...
भावनांचं व्यंजन म्हणजे कविता...
अनं उरी दाटलेल्या...
आसवांचं अंजन म्हणजे कविता...
.
.
व्याकुळ धरेवर पडणारी...
आशेची सर म्हणचे कविता...
अनं सईच्या सोबती व्यतित केलेल्या...
आठवणींची भर म्हणजे कविता...
.
.
प्रितीच्या गंधात न्हाऊनीया...
घातलेली साद म्हणजे कविता...
अनं प्रेमळ त्या हाकेला...
मिळालेली दाद म्हणजे कविता...
.
.
ममतेने भरलेल्या  आईचा...
पदर म्हणजे कविता...
अनं कष्टाने भरलेल्या...
बाबांचा आधार म्हणजे कविता...
.
.
मैत्रिमध्ये असलेला...
त्राण म्हणजे कविता...
अनं मैत्रीखातर त्यागलेला...
प्राण म्हणजे कविता...
.
.
आर्त त्या भावनेला...
मिळालेला शब्द म्हणजे कविता...
अनं अबोल शब्दांत व्यक्त होणारी...
ती आर्त भावना म्हणजे कविता...
.
.
कवि - विजय सुर्यवंशी.
         (यांत्रिकी अभियंता)

[Shri_Mech]

पावसाच्या चिंबपणातून
उन्हाच्या काहीलीतुन
कुडकुडणाऱ्या थंडीतून
बहरत असते कविता


आठवणींच्या गाठोड्यातून
जगण्याच्या रखरखीतून
अनुभवाच्या संचितातून
जन्म घेते कविता


निसर्गाच्या चैतन्यातून
स्मशानातल्या राखेतून
तलावातल्या गाळातून
रुप घेते कविता


अश्रूंच्या वहनातून
प्रेमाच्या वर्षावातून
नात्यांच्या बंधनातून
वाढत असते कविता


गरीबाच्या झोपडीतून
रस्त्यालगतच्या दारिद्र्यातून
आदिवासी पाड्यांमधून
उमलत असते कविता


खवळलेल्या समुद्रातून
शांत वाहणाऱ्या नदीतून
कोसळणाऱ्या धबधब्यातून
न्हाऊन निघते कविता


शुभ्र हिमपर्वतांमधून
वाळवंटाच्या रुक्षतेमधून
फुललेल्या माळांवरुन
निपजत असते कविता


अध्यात्माच्या पोथीतून
इतिहासाच्या वर्णनातून
वृत्तपत्रांच्या रकान्यातून
बाळसे धरते कविता


घुसमटलेल्या भावनांना
सलणाऱ्या वेदनेला
सैरभैर अस्वस्थतेला
वाट करून देते कविता