चारोळी

[शिवाजी सांगळे]

मित्रा, लिहित रहा
लिहिण्याने मन मोकळे होते,
मित्रानॉ, लिहित रहा
आभाळ पुन्हा भरून येते !!


शिव.....

[kuldeep p]

पहील्याच नजरेत असे काय केले
मनाला माझ्या वेड तुझे लागले
तुझ्या डोळ्यात सवतःला हरवून गेले
नजरेच्या बंदिशाळेत बंद झाले

[Madhura Kulkarni]

जग हे मृगजळ भासे....
क्षणात उलटे फासे....
हा डाव टाकतो कोणी,
अन पाहून नियती हासे....

[sweetsunita66]

 या स्वप्न लोकी  जगती
मृगजळाचे जाळे असती
नसे कुणी लक्ष्मण  आता
सीतेस वाचविण्या जगती

[कवि - विजय सुर्यवंशी.]

या स्वप्न लोकी  जगती
मृगजळाचे जाळे असती
नसे कुणी भरत आता
सीतेस वाचविण्या जगती

.
.
.
छान  .
.
रक्षण्या सीतेला या जगी,
पुन्हा भरत येतील...
संहार् करण्या दुष्टांचा,
पुन्हा श्रीराम अवतरतील....
.
.
दुमदुमुन जातील सार्‍या दिशा,
पुन्हा रामनामाचे गजर होतील....
गर्द त्या अंधारात आता,
आशेचे प्रभाकर् येतील....
.
.
विजय  सुर्यवंशी....

[शिवाजी सांगळे]

म्हणतात कि आशेवर
दुनिया कायम आहे,
आहे अस्तित्व रावणाचे
म्हणूनच रामही आहे !


शिव....

[sweetsunita66]

verrrry nice,vijay n  shiwaji,,,,,




आशेवर जगण्याने
पाऊले पुढे पडतात
मनीच्या विश्वासावर
अप्रतिम कार्य घडतात

[vijaya kelkar]

               प्रबळ तृष्णा लागे मृगास
               धावे जवळ करण्या भासास
               सीतेची आस रावणास
               हाका मारती रामास

[शिवाजी सांगळे]

रावणास आस होती सीतेची
घेतली मदत त्याने मृगाची,
म्हणूनच सत्य आले पुढे,
असे व्यर्थ आस मृगजळाची !!

धरावी कास सदा सत्याची
तारून घेते नाव जीवनाची,
गेले सागून सारे संत-महंत
जावो ना व्यर्थ वारी जन्माची !!


शिव......

[प्रशांत पवार]

अशी कशी ही नाती गं...
ह्र्द्याच्या तारांनी जोडलेली...
दुर गेली कुणी तोडूनी..
तरी ती एकमेकात जखडलेली..
©*मंथन*™...