माझ्या निवडक चारोळ्या - सनिल पांगे

[सनिल पांगे....sanilpange]

हवव्यास नाही माझी
जे हजारांचा व लाखाचं आहे
भुकेलेला असलो तरी तेच खातो
जे माझ्या हक्काचं आहे
@ सुनील पांगे

[सनिल पांगे....sanilpange]

वहीच्या शेवटच्या पानाची
इवलीशी होडी होणार होती
आजवर अक्षरांशी पण कागदाची
आज पाण्याशी जोडी होणार होती
@ सनिल पांगे

[सनिल पांगे....sanilpange]

थोडा फार जो उरला आहे
तो विश्वासही गुदगे टेकत आहे
माझ्या कडून जगण्याचा प्रयास नाही
श्वास श्वासाला फुंकत आहे
@सनिल पांगे

[सनिल पांगे....sanilpange]

आपण अंदाज बांधतो
घेतलेला निर्णय बरोबर
पण नियतीची बांधणी असते
आपण निर्णय घेण्या अगोदर
@ सनिल पांगे

[सनिल पांगे....sanilpange]

माझ्या नजरेतून बघ
प्रेमाचं विश्व किती सुंदर आहे
फुलांची सारेच कदर करतात
इथे काट्यांचाही आदर आहे
@ सनिल पांगे

[सनिल पांगे....sanilpange]

विश्वास या शब्दातच
"विष" व "श्वास" एकत्र आले
ज्यांना अनूभव आला त्यांनी हेरलं
ते किती सावत्र निघाले
@ सनिल पांगे