चारोळी

[Madhura Kulkarni]

पाहुनी त्या फुलाकडे
गाली तुझ्या खुलली कळी...
डोळ्यांत वसले स्वप्न नवे
अन हंस विहरति जळी...

[kuldeep p]

काय झाले असे  की
थांबल्या आपल्या चारोळ्या
सुरुवात करतो नव्याने
होऊन जाऊद्या चारोळ्या

[Madhura Kulkarni]

शब्द सारे गोठले अन भावनाहि गोठल्या...
हरवलेल्या वाटा माझ्या, शोधताना संपल्या....

[मिलिंद कुंभारे]

मधुरा ताई 

ओसंडून जावू दे, नयनी गोठलेल्या भावनांना,
कदाचित तो प्रवाह, शोधील एक चोरवाट,
घेईल ध्यास अंतरीचा अन गवसेल त्याला,
एक नवी वाट,एक नवी पहाट!

मिलिंद कुंभारे

[Madhura Kulkarni]

जुने सोडुनिया, आले नवतीचे वारे....
मनावरी अजूनही जुन्याचे पसारे....

बंद केली समाजाने सारी सारी दारे...
बसवले कळ्यांवरी कठोर पहारे.....

[मिलिंद कुंभारे]

नको करूस भावनांना कैद असे,
उघड तू बंद दारे,
झुगारून सारे पहारे,
कळी न कळी उमलू दे,
गंध आसमंती दरवळू दे,
फुलपाखरांशी अवती भवति भ्रमरू दे!

मिलिंद कुंभारे

[Madhura Kulkarni]

सनातनी समाजाची खोड कधी मोडणार नाही....
स्वतःच्याच पाकळ्यांत बंद कळी कधी उमलणार नाही...

[मिलिंद कुंभारे]

आज आहे ती स्तब्ध,
मीही झालोय स्तब्ध,
कळेना मज,
मोडणार कोण सामाजाची रे बंधनं,
उमलणार कधी रे कळी ती पाकळ्यांत बंद!

[Madhura Kulkarni]

बांधले होते आम्हाला जोखडांनी कुणी...
तोडण्या सुसज्ज झालो मिळूनी साऱ्याजणी....

[मिलिंद कुंभारे]

गेलेत ते दिवस, अन बदललेत युगं,
बघ आज सारे मोकळे आभाळ,
बळ पराकोटीचे तुझ्या  पंखात,
घे भरारी अन कर सार्थक स्त्रीजन्माचं!

मिलिंद कुंभारे